viernes, 3 de diciembre de 2010

AIRE XELÓN


Peles rodraes del cielu,

-zancada y zancobiellada-,

ente ñubarrones prietos,

y coles riestres del verde

l'aire xelón xugaba

socolliñando les fueyes

fresques na madrugada.

La primavera tovía

(vien despaciu) nun llegaba

y l'aire xelón sí llegaba.

La floriquina rosada

nun s'atreve abrir dafechu

les ventanines del alma,

ente'l verde aforfugáu

la color entrestalla.

Ente'l verde enfocicáu

la cabecina doblada.


Del llibru Antoloxía Lliteraria espublizáu por Alborá Llibros nel añu 2002.

1 comentario:

  1. ¡¡Maravillosa!!
    Una lección de amor a la Naturaleza, de ternura, de concimiento de lo que amamos porque nos nació y nos vive.
    Maestras como ella serán SIEMPRE nuestro espejo.

    ResponderEliminar