miércoles, 31 de marzo de 2010

SITUACIÓN LLEGAL DEL ASTURIANU

La Xunta pola Defensa de la Llingua y Xuristes pol Asturianu entamen una campaña pa que l'Estáu ameyore la situación llegal del Asturianu. Podéis lleer la noticia pinchando equí

lunes, 15 de marzo de 2010

L'ASTURIANU NUN YE UNA IMPOSICIÓN

El día 10 de marzu lleíamos nel diariu dixital asturies.com: "Consuelo Vega: los ciudadanos nun quieren imposiciones col asturianu". Güei tamos a día 15 y entovía siguimos rumiando la noticia porque nun somos quien pescanciala.
La pallabra "imposición" ye más corriente sentila ente la xente que ta a la escontra de la normalización. Los que lluchamos pa que la Llingua Asturiana (ferramienta de comunicación y seña d'identidá) nun tea en peligru desaniciu enxamás falamos d'imposición, sinón de derechos llingüísticos.
Derechu a dirixise a l'Alministración ensin torgues; derechu a deprender la Llingua Asturiana en toles escueles dende los primeros años; derechu a que tea presente nos medios de comunicación onde vive una situación marxinal; derechu a...
L'asturianu nun ye una amenaza. La xente que nun tenemos reconocíos los nuesos derechos llingüísticos sí que nos sentimos amenazos. Amenazaos a escribir y falar nuna llingua que sí ye una imposición.

viernes, 12 de marzo de 2010

II XORNAES DE LLINGUA ASTURIANA Y EDUCACIÓN


Suatea convoca les II Xornaes de Llingua Asturiana y Educación los díes 19 y 20 de marzu nel Centru Cultural d'El Llano en Xixón (Cai Ríu Oru, 37).
Podéis pinchar equí pa ver el programa.

miércoles, 10 de marzo de 2010

GRACIES

Pa la Biblioteca Mª Josefa Canellada ye una satisfación ver que les visites aumenten día a día. Damos les gracies a la xente qu'entra per aciu canellada.com y de les redes sociales como Twitter y Facebook, ente los que s'alcuentren los fíos y nietos qu'un día colaron al otru llau de la mar.

martes, 9 de marzo de 2010

UNA BONA NOTICIA PA LA LLINGUA

El Constitucional afita la constitucionalidá de la Llei d'Usu. Vamos poder emplegar ensin torgues la nuesa llingua na Alministración
Podéis lleer la noticia en: Asturies.com , Asturews y Les Noticies

domingo, 7 de marzo de 2010

PREMIOS DE LA MÚSICA


La Biblioteca Mª Josefa Canellada quier dar la norabona a Dixebra por esti premiu y les gracies poles sos pallabres reivindicatives pa la nuesa llingua. Y llamenta la falta d'educación, de respetu y la inorancia de la presentadora y de toos aquellos que sofitaron con aplausos les sos pallabres vacíes de conocimientu.

sábado, 6 de marzo de 2010

GUÍA DIDÁUTICA


Guía didáutica en pdf del poema Colores y más colores de Rosa Mª Serdio con ilustraciones d'Ester Sánchez. Torna al asturianu de Xulio Berrros

viernes, 5 de marzo de 2010

GRAMÁTICA DE LA LLINGUA ASTURIANA

Podéis descargar en formatu pdf el llibru Gramática de la Llingua Asturiana espublizáu pola Academia de la Llingua Asturiana.

Y cuando nun sepáis dalguna pallabara pinchái equí pa consultar el Diccionariu de l'Academia de la Llingua Asturiana

miércoles, 3 de marzo de 2010

NORMES ORTOGRÁFIQUES


Podéis descargar en formatu pdf el llibru Normes ortográfiques de l'Academia de la Llingua Asturiana

lunes, 1 de marzo de 2010

LA ESCUELA REPUBLICANA

Fai pocos díes el programa Nomes d'Asturies de la RPA emitió La escuela republicana. La Biblioteca Canellada ufierta la posibilidá de sentilu dende la Fonoteca pa quienes esi día nun pudistéis prender la radio, por mor del horariu tan malu (14 hores sábadu) nel que s'emiten los programes en llingua asturiana.
La proclamación de la II República'l 14 d'abril de 1931 fizo posible un cambéu perimportante nel sistema educativu. El nuevu gobiernu defendió una escuela pública, obligatoria y laica. Sofitó la creación de nueves escueles y un ameyoramientu na formación de los maestros.
Per otru llau, les Misiones Pedagóxiques llevaron pelos pueblos d'España l'arte, la música, el cine y el teatru.