lunes, 15 de marzo de 2010

L'ASTURIANU NUN YE UNA IMPOSICIÓN

El día 10 de marzu lleíamos nel diariu dixital asturies.com: "Consuelo Vega: los ciudadanos nun quieren imposiciones col asturianu". Güei tamos a día 15 y entovía siguimos rumiando la noticia porque nun somos quien pescanciala.
La pallabra "imposición" ye más corriente sentila ente la xente que ta a la escontra de la normalización. Los que lluchamos pa que la Llingua Asturiana (ferramienta de comunicación y seña d'identidá) nun tea en peligru desaniciu enxamás falamos d'imposición, sinón de derechos llingüísticos.
Derechu a dirixise a l'Alministración ensin torgues; derechu a deprender la Llingua Asturiana en toles escueles dende los primeros años; derechu a que tea presente nos medios de comunicación onde vive una situación marxinal; derechu a...
L'asturianu nun ye una amenaza. La xente que nun tenemos reconocíos los nuesos derechos llingüísticos sí que nos sentimos amenazos. Amenazaos a escribir y falar nuna llingua que sí ye una imposición.

No hay comentarios:

Publicar un comentario