jueves, 25 de febrero de 2010

MONTESÍN NA RADIO


Esti sábadu a les 14 hores va emitise na RPA l'adautación del primer cuentu de la Lliteratura Infantil n'asturianu: Montesín de Mª Josefa Canellada. Podéis sentilu dende l'ordenador

"Asturies, Montesín amorosu, ye como un reinu los cuentos, suave y duru al empar, y vieyu como e vieyu'l so falar tamién. Un reinu estremáu de tolos demás pelos montes.¡Con dicite que queden per ellí osos y llobos, y lliries y esgulios que cásique falen tovía!
Hai nomes n'Asturies que retiñen como diosucos. Atiendi, Montesín: el picu Urriellu, los picos de Cornión.
Los picos de Cornión, rellumando ente la ñeve, son carámpanos de lluz azul y xelu colgando del cielu volcáu pámpana abaxu, pinganexos del cielu. Pero'l verdi: les grandes flondes de los carbayos vieyos, el verdi escuru de toles sebes, y el de les ablaneres, y el de les cotolles, y el de los salgueros, toos diferentes. Y el verdi tienru del segáu, que güel ¡ai, Madre Santa, cómo güel!"

domingo, 21 de febrero de 2010

domingo, 14 de febrero de 2010

CUENTEN

Cuenten qu'una estrofa namoróse d'un versu; que les consonantes y les vocales tienen una rellación namás de pallabra; que la oración condicional busca con desesperamientu una oración afirmativa pa sentise más segura dientro'l sistema llingüísticu; que'l suxetu quier camudar d'identidá pa ser más feliz; qu'al verbu lleer nun-y gusta l'imperativu; que les ilustraciones nun puen vivir ensin el testu. Y cuenten tamién que too ye posible.

viernes, 12 de febrero de 2010

LA ESCUELA REPUBLICANA


Mañana sábadu 13 de febreru'l programa Nomes d'Asturies de la RPA va emitir el capítulu 164 dedicáu a La escuela republicana. Podéis sentílu dende la so páxina a les 14 hores

miércoles, 10 de febrero de 2010

LA LLUNA TIEN UNA LLEBRE. GUÍA DIDÁUTICA


Guía didáutica en pdf de La lluna tien una llebre de Francisco Álvarez Velasco con ilustraciones de Fernando García Vela.

lunes, 1 de febrero de 2010

GUIÓN DE RADIO. MATERIAL PA LA CLAS

Nel mes d'avientu'l programa Nomes d'Asturies de la RPA emitió l'especial de Navidá: "Caleyando pal Portal". Foi un pequeñu homenaxe a la nuesa Lliteratura Infantil.

Marta la de les coletes, Nora la neña de sal, Berto'l que nun dexa de pensar de qué tará fecha la lluna, Chispina, les pulguines Tin y Tom... vivieron una pequeña aventura hasta llegar al Portal onde cantaron unos villancicos perguapos. Pincha equí pa oyer