domingo, 3 de octubre de 2010

UNA TARDE CON ROSA

Marrón de la mio tierra

marrón el café.

Marrón de castañes

ye marrón glacé.

Estos versos pertenecen al llibru Colores y más colores de Mª Rosa Serdio. Pasaron yá unos meses d'aquella entrevista na llibrería Cervantes n'Uviéu y dende entós nun dexamos de tar siempre al quite la una de la otra. Esti vienres Rosa regalóme una tarde per Xixón.




Pasamos dos hores delantre d'una taza té falando de milenta coses: de los sos escolinos, de Lliteratura, de los recuerdos de la infancia, de María García Esperón, la nuesa amiga mexicana siempre atenta a toles actualizaciones d'esta Biblioteca... Y tratamos de buscar una esplicación a cómo ensin conocer malpenes a una persona tienes la sensación de conocela de tola vida.

Dempués del té fuimos a una tienda de flores y cuando entramos pela puerta, Rosa dixo:

- Güel, Marita ( A veces llámame asina y a mi préstame)

- Alcuérdate que l'arume nun se pue mercar, contesté-y

Asina y too, ella mercóme unes flores pa que llevare pa casa un poco del arume d'aquella tienda.




A veces les tardes tienen dalgo máxicu. Ye guapo tener a una persona al llau cola que poder falar de la vida y ver siempre nella una sonrisa cuando disfruta coles pequeñes coses como meter les manes nun cestu enlleno fabes o abrir un perfume de llavanda y suañar que ta na Provenza... Ye guapo deprender de xente como Rosa, una muyer mui especial.

Gracies por esa tarde de seronda ente pallabres y rises.

2 comentarios:

  1. ¡Qué tarde más bonita! Gracias por llevarme. No pude resistir y me llevé la taza de té, aquí:
    http://vozymirada.blogspot.com/2010/10/dos-horas-y-una-taza-de-te-en-gijon.html

    ResponderEliminar
  2. ¡¡Es QUE YA nada nos separa!!
    Y, además, como hay mucho cronista suelto...hay que andarse con pies de plomo a la hora de evocar, de tocar, de sugerir...
    Nos lo pasamos genial y, cuando vengas, vamos a citarnos con más tazas de lo que sea para hacer más tardes MUY mágicas.
    Un beso de té verde con menta flamenca.

    ResponderEliminar