VOI PINTAR

Güei voi pintar un tanque disparando llambionaes de colores y una maleta enllena llibros pa escondeme ente dalgún versu cuando toi xugando al esconderite, o echame pámpana arriba nos puntos suspensivos.

Y voi borrar a tolos soldaos porque nun pescancien un res el sentíu la vida. Y tamién a los qu'emplegando'l poder manden bien lloñe a aquellos que son diferentes porque falen otra llingua y tienen otra cultura. Y si me queda goma, borro a los intolerantes qu'aplauden eses decisiones porque a mi gústenme los diferentes.