Mio ma ye'l títulu del nuevu poema d' Aurelio González Ovies ilustráu por Job Sánchez y espublizáu por Pintar Pintar.
pero yera tan mimosa...;
dicíame que con enfotu
pues algamar cualquier cosa.
Mio madre nun sabía idiomes
pero falaba a les freses,
facía ensalada rusa
y mil tortielles franceses.
Mio madre nun sabía idiomes
pues pisó poques escueles,
¡Y facía un caldu gallegu
y unes coles de Bruseles...!
Mio madre nun sabía idiomes,
yera una madre estupenda
facía arroz a la cubana
con salsa a la boloñesa.
Dempués de lleer estos versos, ¿nun vos dan ganes de siguir hasta'l puntu final? Doi cuenta que la esperiencia ye perguapa.
Mio ma foi poco a escuela, pero cuando-y lleí esti poema entendiólu y díxome cuasi emocionada: "¡Qué guapu!", porque alcordóse de la ma, mio güela, y del arume a primavera na cocina cuando picaben les freses pa comeles con lleche y zucre; de les manes masando pan de boroña o faciendo una empanada bonitu pa comela na playa que taba a la vera casa; o d'aquella mermelada piescu fecha nos calderos de cobre que vendíen los caldereros de Miranda.
Y entemecíos col ruíu la cacía, el calor del llar y el sabor d'aquellos platos taben los besos de mio güela pa los sos cinco fíos.
El poema d'Aurelio fizo despertar en mio ma tolos recuerdos y toles emociones que vivió con aquella muyer que peñaba moñu y trabayaba la tierra, que sabía curar coles caricies y despertar los suaños con histories guardaes na memoria de la cultura popular.
Como fíos que fuimos o que somos, siempre vemos nelles "un mapamundi d'amor".
¡Preciosa entrada, Mar!
ResponderEliminarToda una puerta al recuerdo donde poesía llama poesía.
Tu comentario es mi regalo de hoy, Mar, como lo fue leer hace tiempo, sin ser este libro aún, el texto de Aurelio.
ResponderEliminarYo creo que los libros crecen hacia adelante, en el futuro con los aportes de los lectores y por detrás si conectan con lo nuestro, con el anteayer de nuestra infancia.
Y éste anuda por dentro TODO lo nuestro:las madres de aquí y sus madres que son y fueron MUJERES a lo grande.
Aurelio escribe por dentro y eso nos hace, al leerle, SER.
¡Qué más podemos pedirle! Pues que nos lo lea como hijo para la suya y nos llene de luz.
Rosa SERDIO